भालुवाङ । दाङको देउखुरीमा कुहिएको अवस्थामा एक वृद्धको शव फेला परेको छ ।
राप्ती गाउँपालिका वडा नम्बर २ बराखट्टी निवासी ७७ वर्षिय शिवलाल घर्ती क्षेत्रीको शव मकैबारीमा कुहिएको अवस्थामा फेला परेको हो ।
गत असार ३० गते घरबाट निस्केका ती वृद्धको सोमबार विहान करिव ९ बजेको समयमा घर देखि तीन सय मिटरको दुरीमा रहेको मकैबारीमा स्थानीयले फेला पारेका थिए ।
सडेर गन्ध आइरहेको अवस्थामा स्थानीयले शव फेला पारेका थिए । वृद्धको पुरै शरीर कुहिसकेको अवस्थामा मकै बारीमा शव फेला परेको भालुवाङ ईलाका प्रहरी कार्यालयका प्रहरी निरिक्षक सुजनबिक्रम शाहले जानकारी दिए । । ‘शरीर कुहिएर अस्थिपञ्जर देखिएको छ’, शाहले भने ‘छोराहरु विदेशमा रहेका र घरमा एक्लै बस्दै आएको हुदा मृत्युको कारण खुल्न सकेको छैन ।’
क्षेत्रीको शवलाई पोष्टमार्टमका लागि लमही अस्पताल पठाइएको प्रहरीले जनाएको छ ।
तपाईको प्रतिक्रिया