दाङ । अन्डर १५ राष्ट्रिय बास्केट बल प्रतियोगितामा दाङबाट ४ जना छनोट भएका छन । घोराही १५ रतनपुरमा रहेको गुरुकुल एकेडेमीमा अध्यययरत कक्षा १० का छात्र सद्गुण थापा, कक्षा ९ का छात्र सहज बुढा मगर, जनज्योति विद्यामन्दिर कक्षा १० का प्रतीक के.सी. र गोर्खा मा. वि. का निश्चल बुढा छनोटमा परेको गुरुकुल एकेडेमीका संस्कार प्रमुख तथा दाङ जिल्लाका बास्केट बल प्रशिक्षक भुगोल कवर मगरले जानकारी दिनुभयो । उँहाका अनुसार दाङबाट राष्ट्रिय स्तरको प्रतियोगितामा भाग लिन पोखरा जानेछन् ।
रुपन्देहीमा आयोजना भएको छनोट खेलबाट लुम्बिनी प्रदेशकै उत्कृष्ट खेलाडीको रुपमा सद्गुण थापा, सहज बुढा, प्रतीक के.सी. र निश्चल बुढा छनोट भएका हुन् ।
गुरुकुल एकेडेमीमा अध्ययन गर्ने विद्यार्थीहरु अन्य हरेक खेल प्रतियोगिताहरुमा पनि सफलता हासिल गर्ने गरेको छ । घोराही उपमहानगरपालिकाको पहिलो मेयर कप बास्केट बल प्रतियोगितामा मेयरकप विजेता बनेको गुरुकुल एकेडेमी अहिले अन्डर १५ राष्ट्रिय बास्केटबल प्रतियोगिताका लागि छनोट भएका हुन ।
प्रतियोगिता यही जेठ ३१ र ३२ गते पोखरामा हुने छ । त्यसैगरी अन्डर १५ राष्ट्रिय बास्केट बल प्रतियोगिताका लागि रुपन्देहीमा बन्द प्रशिक्षणमा चलिरहेको छ।
तपाईको प्रतिक्रिया